Ginsuguran na sang City Anti-Drug Abuse Council ang pagpaidalom sa 36 ka mga job order workers nga nagpositibo sa random drug test sa drug rehabilitation program.
Kalabanan sa ila mga personnel sang Bacolod Traffic Authority Office kag Public Order and Safety Office.
Suno kay retired Police General Primitivo Tabujara, 6 ka semana nga magapabilin sa Balay Silangan ang mga personnel.
Magahulat man sila sa 17 pa ka mga drug positive, kabahin na diri ang 4 ka mga regular employees sang BTAO nga on-leave, para mag-surrender kag magpa-rehab.
Libre ang drug rehabilitation program sang siudad nga ginapatuman kabahin sang tikang para sa barangay anti-illegal drug clearing program.