3,514 sa karon ang na record nga kaso sang Covid-19 sa bulan sang Setyembre.
Ini sandig sa pinakaulihi nga datus sang Provincial Health Office.
Suno kay Dr Ernell Tumimbang, Provincial Health Officer, kun tayuyon ang pagsaka sang kaso sini nga Setyembre, sarang nga malampuwasan ang na record nga kadamuon sang kaso sang bulan sang Abril.
3,991 ang na record nga Covid-19 cases sang Abril, kag suno sa PHO, ini ang pinaka mataas nga na-record nga kadamuon sang kaso sang Covid-19, sa sulod sang isa ka bulan sa Negros Occidental.
Sini nga bulan sang Setyembre masobra 300 ang pinaka mataas nga na-report nga kaso sang Covid-19 sa isa ka adlaw.
Pero kahapon, 130 ang na record new cases. Mahimo nga panubo na ini.
Priority sa karon sa RT-PCR testing amo ang angut contact tracing. Suno kay Tumimbang, ang pagtimbuok sang Covid-19 cases sa negros occidental ang mixed ukon indi lamang tungod sang Delta variant.
Sa bilog nga pungsod 38 percent ukon ang predominant sa Covid cases ang tuga sang Delta variant.