Patay ang 35 anyos nga iloy nga pasahero sang tricycle sa multiple collision nga natabo sa banwa sang Manapla pasado las 10 Sabado sang aga.
Base sa report sang Manapla PNP, nagpundo na sa inner lane sakop sang national highway sa Brgy Punta Mesa kag naga signal na nga mag paliko ang tricycle sang ini ang nabungguan sa pangulihi nga bahin sang Nissan sedan naga nagabiyahe naman padulong sa Bacolod gikan sa Cadiz.
Sa pulis report bangud sang impact, nag kadto sa inner lane sang pihak nga dalan ang tricycle rason nga nabungguan naman ini sang Hyundai sedan nga gikan naman sa Bacolod padulong sa Cadiz.
Suno sa pulis dead on arrival sa Dr Gustilo Hospital sa Manapla ang 35 anyos nga ginkilala kay Renalyn Tiling.
Nag agum naman sang minor injury ang anak sini nga naga pang edaron apat ka tuig.
Suno sa hepe sang Manapla PNP, Major Robelito Mariano may yara sang amicable settlement sa tunga sang pamilya sang napatay kag sa driver sang Hyundai kag Nissan.
Sila ang na release naman suno kay Mariano kasunod sang pag pirma sang pamilya sang affidavit of non-interest.