33 tanan ka mga areas nga gina serbisyohan sang Negros Power ang mahimo maka eksperyensya sang tig duha ka oras nga brownout nga nagsugod las dos subong nga hapon tubtob karon las onse sang gab-i.
Ini kasunod sang Red kag Yellow Alert Status sa Visayas nga gin abiso sang National Grid Corporation of the Philippines ukon NGCP.
Kulang ang power supply sa Visayas gani ginapatuman ang manual load shedding ukon gina paigo-igo lang ang available nga power supply gani gina bulos-bulos ang brownout.
Humalin pa sang nagliligad nga semana ini ginapatuman pero sini nga semana humalin sang Domingo naka red alert ang Visayas tubtob subong nga Biyernes.
Red alert ang Visayas 5:00PM – 9:00PM, buot silingon kulang ang naga sulod nga power supply sa Visayas kay nag shutdown ang dalagko nga power plants sa Visayas kag wala man sang sobra nga power sa Mindanao nga pwede ipasa sa Visayas.
Yellow Alert naman 1:00PM – 5:00PM
Kag 9:00PM – 10:00PM. Nagakahulugan nga intsaktuhan lang ang power supply nga available kag wala sang allowance enkaso magsaka ang demand.
Yara sa 2,269MW ang available capacity sang power supply pero nagalab-ot sa 2,511MW ang peak sa demand sa kuryente.
[sibwp_form id=1]