Igo sang bala sang pusil sa ulo ang gin angkon ni Kenneth Arguelles nga nagresulta sa iya hinali nga kamatayon.
Nag gwa sa pagpang-usisa sang Police Station1 sa Bacolod nga nagakatulog sa iya ginamaneho nga tricycle si Arguelles sang ginluthang sang wala makilal an nga gunman sa Barangay 16 kaina sang kaagahon.
Sa vulcanizing shop naga trabaho ang biktima kag naga sideline man byahe sang tricycle.
Gina-usisa pa sang kapulisan kun may kaangtanan sa iligal nga droga ang motibo sa krimen bangud sandig man sa himata sang biktima siya ang madugay na nga nagagamit sang iligal nga droga.
Nag gwa man sa record sang kapulisan nga nadakpan na anay sa buy-bust operation ang biktima nga naka-agi man priso sa sulod sang isa ka tuig.