Masorba sa 246,000 na ang naka pa enroll sa idalom sang DepEd – Negros Occidental Division sa una nga semana sang enrollment.
73.28 percent ini kun ipaangid sa kadamuon nga nag pa enroll sang School Year 2021-2022.
As of July 29, 246,902 ang naka pa enroll humalin sa Elementary, Junior kag Senior High School sa mga pampubliko nga eskwelahan kasubong man Integrated Schools kag Private Schools sa idalom sang Negros Occidental Division.
Nagapahanumdom si Ian Arnold Arnaez ang spokersperson sang DepEd Negros Occidental sa mga new enrollees kasubong sang para sa kindergarten, grade 7 kag grade 11, lakip na transferees nga kun mahimo sa masunod nga semana mag pa enroll na.
Paathag ni Arnaez ang mga nag avail sang early registration sa mga public school ang kinahanglan man nga mag fill-out sang Basic Education Enrollment form.
Sa tunga sang kampanya para sa enrollment indi man malikawan suno kay Arnaez ang Batasan nga sa last minute ukon sa uilhi na nga mga inadlaw naga pa enroll.
321,000 ang estudyante sa idalom sang Negros Occidental Division sa mga pampubliko nga eskwelahan, kag kun basehan ang 1 percent nga projected increase sa student population sa kada tuig, 325,000 ang gina lauman maga balik eskwela sini nga school year.
Agosto 22 maga bukas ang klase. Padayon naman ang pagkaayo sa mga eskwelahan nga nahalitan sang bagyo Odette kag gina tinguhaan sang DepEd nga ma medyusan ini kun wala man sang naga kaigo nga pondo nga mag abot.
“May tatlo pa ta ka semana, plus you have to remember ara man sa kultura sang kadam-an sang kabataan kag sang mga parents nga naga pa last minute enrollment sila. Pero we’re hoping nga as early as next week dapat mapa enroll naman gid sila kabilugan para ma kwa na naton ang figure for the whole division of Negros Occidental”, suno kay Arnaez.