Dakup ang 32 ka mga persona bangud sa paglapas sang Commission on Elections Resolution 11057 ukon Liquor Ban sa syudad sang Bacolod.
Nalakip sa mga liquor ban violators nga gindala sa istasyon sang kapulisan, base sa record sang otoridad, ang naga-edad 17 tubtob 69 anyos kag ini ang mga residente sang Bacolod, Himamaylan City, Cadiz City, Cauayan, Murcia, Hinigaran kag Batangas City.
Nagkaladakpan ang mga nasambit nga persona sa Barangay Mansilingan kag Alijis, bisperas sang Eleksyon, Domingo, Mayo 11, takna las 12:30 sang kaagahon.
Suno kay Bacolod Election Officer Revo Sorbito, as of 12 noon sini nga Election Day, Mayo 12, wala na sang may nagdugang pa nga nadakpan bangud sa paglapas sang Liquor Ban.
Nagsugod ang COMELEC Liquor Ban Mayo 11 kag magatakup las 11:59 karon sa gab-i.
Samtang, ginpahayag naman ni Sorbito nga wala sang may na-record nga nadakpan bangud sa paglapas sang gun ban sa siyudad sang Bacolod.