32 ka mga land owners interesado magbaligya sang propiedad para sa landbanking program sang siudad.
Nabaton na sang Landbanking Committee ang unsolicited proposal sang 32 tanan ka mga land owners nga nagatanyag ibaligya ang ila duta sa siudad.
Suno kay Councilor Jude Thaddeus Sayson, chairperson sang Committee on Finance sang konseho, pagatun-an kag iga-evaluate sang Appraisal Committee ang mga proposal antes sang natalana nga rekomendasyon.
Tuyo sang siudad nga magbakal sang duta nga gamiton para sa pagtukod sang bag-o nga patyo, expansion sang landfill sa Barangay Felisa, housing project kag iban pa.
Maga-gikan ang pondo sa ginadihon nga P5B loan agreement sang siudad kag sa mapilian nga banko.