32 anyos nga collector pilason sang gintiro sang duha ka mga wala makilal-an nga lalaki sa Barangay Villamonte sa Bacolod kaina sang aga.
Naga pangolekta sang bayad sa motor ang biktima nga si Wilfredo Loreno, Jr., sang gintiro sang gunman sa Purok Sabes sa Barangay Villamonte kaina sang aga.
Suno sa biktima ginpamangkot siya sang gunman kun pulis siya kag madasun nga gintiro sang makaduha ka beses.
Kabangdanan nga nag angkon siya sang pilas sa ulo kag likod tuga sang igo sang bala sang wala pa mapat-ud nga calibre sang pusil.
Nakadalagan pa ang pilason nga biktima kag nakamaneho sang motorsiklo samtang ginalagas sang mga suspek. Nakahapit pa siya sa ila opisina antes nagpa ospital para magpabulong sang iya mga pilas.
May yara naman sang ginakabig nga persons of interest ang Police Station 4 nga karon ginatinguhaan nga madakpan.