Lunes sang ginsuguran sang Bacolod Traffic Authority Office ang pagpatuman sang truck ban may kaangtanan sa ginapatuman nga Christmas traffic scheme.
25 ka mga truck driver ang naisyuhan sang violation ticket tungod sang pagsupak sang truck ban.
May dugang nga anum ang nadakpan sang Martes.Suno kay Police Major Junji Liba, pamuno sang BTAO, nahangpan niya nga may kabudlayan kag nagahinyo karon ang grupo sang mga haulers kag truckers nga kuntani ma hold in abeyance ang pagpatuman sang truck ban.
Pero kinahanglan ini ang mapatuman agud nga mapahagan-hagan ang pag-gutok sang lakat sang trapiko karon nga bulan sang paskwa.
Madamo man sa mga netizens ang nagdayaw sa ginpatuman nga 90-day experimental traffic rerouting ilabi na ang pagpatuman sang one-way scheme.
Nagalaum man ang kadam-an sa ila nga mapakaayo ang mga may diperensya nga traffic lights kag masugdan ang clamping kag towing batuk sa mga naga-park sa mga mayor nga dalanon sang siudad.