May 31 tanan ka mga Super Health Center ang itukod sa Negros Occidental nalakip diri sa siudad sang Bacolod nga gin-inspeksyon ni Senador Bong Go sa Barangay Vista Alegre.
Yara na sa 77 percent ang construction sang Super Health Center project sa Barangay Vista Alegre sa Bacolod.
Ini ang isa sa ginbisitahan ni Senador Bong Go upod kay Mayor Albee Benitez sang weekend.
Ang Super Health Center ang may yara sang outpatient department, X-ray laboratory, ultrasound kag birthing services, diagnostic, pharmacy kag emergency services.
Labi ini nga ginapasalamat sang alkalde sa tuyo nga mabuhinan ang kadamuon sang mga pasyente sa regional hospital sa Bacolod.
May 31 ka mga super health center ang ginaduso sang senador nga itukod sa probinsya sang Negros Occidental nga pinakamadamo sa pungsod.
Sang Sabado, ginpangunahan sang senador ang groundbreaking sang natukod nga super health center sa Himamaylan city.
Malapit 600 ang ginaplano nga health centers nga itukod sa pungsod sa tuyo nga mapasanyug pa ang serbisyo sang gobyerno sa bahin sang ikaayong lawas.