Ginlunsar na sang Biyernes, Marso 13, 2026 ang 30th Panaad sa Negros Festival.
Sa capitol grounds, ginpamunuan ni Governor Eugenio Jose Lacson, Vice Governor Jose Benito Alonso kag mga katapo sang Sangguniang Panlalawigan ang program.
Isa-isa man nga ginpakilala ang Lin-ay sang Negros candidates.
Ginsiling ni Provincial Administrator Rayfrando Dias nga ini ang una nga tion nga 32 ukon kumpleto nga ang tagsa ka LGU ang may yara sang kandidata para sa Lin-ay sang Negros.
Suno kay Charina Magallanes-Tan ang Festival Director, sa ika 30 ka tuig nga Panaad sa Negros Festival mas madamo nga mga inclusive activities ang naka line-up.
Makita man sa selebrasyon subong kun paano nagsanyog kag nag tin-ad pa gid ang gina kabig festival of festivals sa sulod sang tatlo ka dekada.
Lakip diri ang presentation man sang music video kag sashing sang Lin-ay sang Negros candidates.
May mga pag panghangkat man nga gina atubang ang sitwasyon karon suno kay Magallanes-Tan naga kaigo lamang nga may selebrasyon kag hatagan ang mga pumuluyo sang kasadya nga gina deserve nila.
Nag upod man sa Panaad sa Negros launching ang Mister Pilipinas Worlwide Candidates.
Sila ang nagbisita sa Negros Occidental – labi na sa mga tourist sites sa Talisay City kag Don Salvador Benedicto bangud mangin back drop sang ila nga shoot ang mga lugar sa Negros Occidental.
[sibwp_form id=1]