Masobra sa 300 ka mga benepisyaryo sang Walang Gutom Program sang Department of Social Welfare and Development–Negros Island Region sa Bacolod City ang nakapasakop sa ginpatigayon nga Food Redemption activity.
Ang tagsa ka family beneficiary ang nakabaton sang balor P3,000 nga bulanan nga food credits nga sarang ma-avail paagi sa mga DSWD-accredited retailers.
Sa subong nga food redemption, ang mga benepisyaryo ang nakabaton sang nagkalain-lain nga mga pagkaon lakip na ang nanari-sari nga kararuton, prutas, itlog, mantika, kag iban pa nga kinahanglanon.
Ang aktibidad ginhiwat sa Bacolod City College Gym kag ginpangunahan sang DSWD-NIR kaupod ang Department of Social Services and Development sang Bacolod City.
Ang programa kabahin sang expansion kag scale-up sang Walang Gutom Program sa NIR nga tuyo magahatag sang monthly food credits sa mga qualified nga mga beneficiaries.*
[sibwp_form id=1]