May 300 tanan ka mga personnel sang Negros Occidental Police Provincial Office nalakip na diri mga PNP officers nga ginpangunahan ni Provincial Director Col. Rainerio de Chavez ang nagpaidalom sa mandatory drug test sang nagligad nga Disyembre.
Ginsiling ni NOCPPO Spokesperson Police Captain Judesses Catalogo nag-gwa nga negatibo tanan sa pag gamit sang iligal nga droga ang mga pulis.
Magluwas sa mandatory drug testing, may ginapatuman nga mandatory drug testing sa katapo sang Special Enforcement Drug Team kada bulan.
Kabahin ini sang pagpasiguro nga wala sang pulis ang may kaangtanan sa iligal nga droga.
Ginpabutyag man ni Catalogo nga base sa ila nga records wala sang police personnel gikan sa NOCPPO ang naga pangatubang sang kaso administratibo.