May 30 ka mga bag-o nga Omicron variant cases nga na detect sa Western Visayas.
Sa datus nga gin pagwa sang Department of Health, ang 30 mga local cases.
12 diri ang sa Iloilo city, 2 sa Iloilo province, 1 sa Guimaras, 1 sa Aklan kag 14 naman ang sa Capiz.
May napulo man ka kaso sang Returning Overseas Filipino nga positibo sa omicron variant sa Western Visayas nga “for verification”.
Ang for verification nagalakip sang 4 sa Iloilo City, 1 sa Iloilo province, 1 sa Guimaras, 1 sa Aklan kag 3 sa Negros Occidental.
Paathag sang DOH, ang for verification naga kasayuran nga padayon pa ang coordination sa mga natungdan nga LGU kun bala ang kaso gikan gid man sa Region 6 kag kun bala ang pasyente nag abot na sa iya natungdan nga address.
Ang 30 ang kabahin sang pinaka ulihi nga batch sang whole genome sequencing nga gin patigayon kun sa diin sa 677 sample nga gin-sequence, 618 diri ang Omicron variant cases kag 35 naman ang Delta variant cases.
Sa 618 naman nga Omicron variant cases, 497 ang local cases.
May lima na ang napatay nga confirmed Omicron cases.
Samtang ang total number sang Omicron variant cases naman, 1,153 suno sa DOH.