May masobra sa 16 million pesos ang gintalana nga pondo para sa revetment kag floodwall project sang Department of Public Works and Highways sa Mambuloc Creek extension.
Ang proyekto ang kuntani ginalauman makapahagan hagan sang problema sa baha ilabi na sa downtown area.
Sa committee hearing sang katapo sang task force baha ginpalab ot sang mga punong barangay sang barangay 2 kag 8 nga isa sa mga dugang nga problema kun magbaha ang mga illegal structures nga yara sa kilid sang Mambuloc Creek extension.
May 20 ka mga pamalay sa Barangay 8 kag napulo naman sa Barangay 2 ang ginaduso nga ma relocate kag ma demolish agud mapaiway ang delay sa revetment kag floodwall project sang DPWH.
Suno kay Councilor Vladimir Gonzalez, pamuno sang Committee on Urban Poor,Housing and Resettlement sang konseho, ang pagpatukod sang onsite housing project para sa mga illegal settlers sa lugar kabahin sa prayoridad sang Benitez administration kadungan sang mga tikang agud masolusyunan ang problema sa baha sa siudad.