Pamilya sang napatay nga anay student leader sa engkwentro sa Cauayan, nag-desisyon nga indi na pagkuhaon ang bangkay sang ila himata.
Nagdesisyon ang pamilya ni Vince Francis Dingding, isa sa lima ka mga gin-alegar miyembro sang New People’s Army nga napatay sa engkwentro sa banwa sang Cauayan, Negros Occidental, nga indi na pagkuhaon ang iya bangkay.
Si Dingding nga taga Cebu City ang anay student leader sa University of the Philippines Cebu.
Ginpakigbahin sang National Task Force to End Local Communist Armed Conflict ang sulat sang ginikanan ni Dingding nga sanday Romulo kag Rica, nga may petsa May 18, kun diin gintugyan nila ang tanan nga may angot sa kamatayon sang ila bata sa ila barangay kapitan agud nga indi na magdugang ang ila kalisdanan.
Suno sa sulat, may colon cancer ang iloy ni Dingding kag siya ang istrikto nga gin-abisohan nga maglikaw sa stress para sa iya healing kag recovery.
Suno sa NTF-ELCAC, nagpadulong sa Negros si Dingding sang 2017.*
[sibwp_form id=1]