Ginsulod sa balay, ginguyod pa gwa antes ginpatay sang pito ka mga armado nga kalalakinhan ang isa ka lalaki sa nabukid nga bahin sang Sitio Mansiguibo, Barangay San Isidro sa banwa sang Toboso kagab-i.
Nakaangkon sang madamo nga igo sang bala sa lawas ang 30-anyos nga biktima.
Gindala ang lalaki sa Vicente Gustilo District Hospital sa Escalante City apang gindeklarar nga dead on arrival.
Sa imbestigasyon sang PNP, mga 20 ka metros ang kalayuon sang crime scene sa balay sang biktima.
Ginsiling ni Police Major Jun Ray Batadlan, hepe sang Toboso PNP, wala sang records ang biktima sa barangay kag sa police station.
Sa statement ni Ka Cecil Estrella, spokesperson sang Roselyn Jean Pelle Command sang NPA, ila ginsilotan ang biktima kay ila gina alegar nga ini ang naga guide sa 79th Infantry Batallion sang Philippine Army sa ila nga operation. Ila man gina alegar nga wala sini ginabayaran ang mga produkto nga iya ginakuha sa mga mangunguma.*