Pilason ang mag abyan nga lunsay naga baligya sang saging matapos mabungguan sang Suzuki Jimny ang ila tricycle sang kagab-i sa highway sa bahin sang Barangay Poblacion sa banwa sang San Enrique.
Ang biktima amo sanday Franklin Loping nga driver sang tricycle kag iya upod amo si Richard Busayong.
Sa imbestigasyon sang San Enrique PNP, nag lapaw ang suzuki jimny nga ginamaneho ni Mary Ann Nueva sa lane sang tricycle gani ang tricycle ang nag saylo sa pihak nga lane.
Ugaling nag balik man sa iya nga lane ang salakyan gani nag bungguanay sila sang tricycle.
Naglabog ang duha ka sakay sang tricycle gani nag angkun sila sang pilas. Minor injury naman ang naangkun sang driver sang salakyan.