Tatlo ang pilason sang mabungguan sang Ceres bus ang likod sang dump truck sa San Agustin Access Road, Barangay Fabrica sa Sagay City, Lunes nga adlaw, Setyembre 22.
Nakaangkon sang mga pilas ang isa ka pasahero, konduktor kag driver sang Ceres bus.
Nagresponde ang katapo sang Cadiz DRRMO kag gindala ang mga pilason sa ospital.
Base sa impormasyon, nagasundanay padulong sur ang duha sa mga salakyan sang mabungguan sang Ceres bus ang likod nga bahin sang dump truck.
Bangud sang impact, nawasak ang pang-unahan nga bahin sang bus, lakip na ang windshield sini.
Suno sa driver sang bus, wala sang tail light ang dump truck rason nga wala niya ini matalupangdan.
Kaagahon kag medyo madulom pa sang nagluntad ang nasambit vehicular incident.
[sibwp_form id=1]