Shadow

3 patay sa separado nga mga shooting incident

Binalbagan PNP

Patay ang 20 anyos nga si Allen Rivera matapos gin tiro sa kilid lang sang dalan sa Barangay San Pedro sa banwa sang Binalbagan sang Sabado.

Sa imbestigasyon sang Binalbagan PNP, naga panglakaton lang sa kilid sang dalan si Rivera upod sang iya utod kag iloy, sang hinali lang mag panaog sa isa ka awto ang duha ka persona nga naka bonnet kag ang isa ka gunman ang nag tiro sang makapila ka beses sa biktima.

Wala naman masamaran ang iya iloy kag utod nga nakapalagyo samtang natabo ang pag pagpaniro.

Ang mag utod nga Rivera ang suno sa PNP, bag-o lang nag gwa sa Binalbagan District Jail sa kaso may kaangtanan sa iligal nga droga.

Ginpahayag naman ni Police Major Fernando Somblingo, hepe sang Binalbagan PNP, nga ila gina hibalo kun bala miyembro sang Epogon Robbery Group ang biktima bangud sa Epogon man ang ila sini middle name.

Samtang sang Biyernes, patay man ang 57 anyos nga si Gerallie Porre matapos gi tiro sa gwa lang sang iya balay sa Barangay Caduhaan sa siudad sang Cadiz.

Apat ka persona ang nag padulong sa balay sang biktima nga gilayon lang nagtiro sa iya.

Ginahibalo sang PNP kun ano ang motibo sa pag patay sa biktima.

Samtang sa siudad sang Escalante, patay na sang masapwan sa gwa sang iya balay sa Barangay Old Poblacion ang 55 anyos nga si Honesto Escobar nga caretaker sang duta.

May igo sang bala sa guya ang biktima sang masapwan. Duha ka lupok sang pusil ang nabatian sang iya mga kaingud sang gab-i antes masapwan si Escobar.

Padayon pa ang imbestigasyon sang kapulisan kun sin-o ang may kahimuan sa krimen.

Leave a Reply

Your email address will not be published. Required fields are marked *

Secured By miniOrangeSecured By miniOrange