Patay ang 19 anyos nga si Mariel Pedro kag iya tiya nga pasahero niya sa tricycle nga si Ledesma Arselias matapos maka bunggo sa van kagab-i sa Barangay Aguisan sa Himamaylan City.
Pilason man ang isa pa ka teenager nga pasahero.
Sa imbestigasyon sang PNP, nagadalagan pa norte ang tricycle sang hinali mag swerve kag madulaan sang kontrol ang driver amo nga nag bunggo ini sa van nga nagadalagan sa pihak nga lane. DOA si Arselias samtang sa ospital naman napatay ang driver nga si Pedro.
Samtang, kahapon sang aga naman, patay ang 22 anyos nga si Lito Garzon matapos mabungguan sang fortuner ang iya motor sa highway sa Barangay To-oy.
Suno sa PNP, ang driver sang fortuner ang nag overtake sa iya sini ginasundan nga salakyan amo kun ngaa iya nabungguan sa pihak nga lane ang motor ni Garzon. Naglabog si Garzon bangud sang pag bunggo.
Dead on arrival man sa ospital ang biktima.