Labing ginpabaskug karon sang probinsya ang monitoring sa border sini kag mga puerto kasunod sang kumpirmasyon sang Bureau of Animal Industry kag Department of Agriculture sang kaso sang African Swine Fever sa Camiguin.
Suno kay Dr Placeda Lemana ang OIC -Provincial Veterinarian, ang Region 6, 7 kag Bangsamoro Autonomous Region na lamang ang nagapabilin nga ASF free karon. Ang paghugot sang monitoring naga tuyo nga ma pangapinan ang 6 billion peso swine industry sang probinsya.
53 ka probinsya kag 704 ka siudad ang may reported cases sang ASF suno kay Lemana. Sa record sang Provincial Veterinary Office humalin Enero tubtob Hunyo 30, masobra sa 400,000 pesos nga balor sang mga gina dumilian nga pork kag pork related products ang na confiscate sa mga border, airport kag seaport.
Suno kag Lemana ini ang ayhan ginpabalik sa point of origin ukon gin pangsunog. Isa man sa bentaha nga nagapabilin ASF free ang probinsya amo nga nagakuha sang supply sa probinsya ang iban nga mga lugar sa pungsod, nga higayon naman sa local farmers sang Negros Occidental.
Sa report sang Provincial Veterinary Office sa bulan sang Hunyo lamang 7,252 ka mga baboy ang na ship out sang probinsya.