Diri sa may Lopez Jaena Street sa Bacolod, mahinay ang lakat sang trapiko. Magluwas nga gina kaayo ang dalan, ang isa ka lane okupado sang mga naga pila para magpa emission. Pilahay halin sa mga motorsiklo pakadto sa private vehicles pati na mga bus naga pila man.
Si Janno Gonzales las otso y media sang aga yari na diri pero ginpabalik siya la una sang hapon kay puno na ang aga nga mga slot.
Suno sa chief sang lto sa EB Magalona nga anay pamuno man sang LTO Bacolod nga si Reuben Tampos, tatlo na lang ang naga operate nga emission testing centers sa Bacolod.
Isa na ini ang Lopez Jaena, isa sa Circumferential Road sa Alijis kag ang isa sa MVIC sa Bredco Port. Ini bangud kadamo sang mga emmission testing centers nga ginpasira ang Department of Transportation bangud sang mga bayolasyon nga nakit-an.
Sa third district wala man sang emissionan. Nagapa Bacolod ukon Cadiz pa ang mga tag-iya sang motor kag salakyan. Gani plano nila nga mag set up anay sang mobile nga emission testing center nga pwede maka libot sa mga LGU para mabuhinan ang kadamuon sang naga pila.
Para naman sa mga motorista, mas maayo kun tani kun may ara pa gid sang dugang nga emission testing centers para indi usik sa oras sa pag comply sa requirements sa pagpa rehistro.