Mas hugot pa gid nga pagbantay sa mga puerto kag iban pa nga entry points ang gina patuman sang African Swine Fever Task Force karon nga tatlo na ka probinsya sa Western Visayas ang nag positibo sa ASF.
Suno kay OIC-Provincial Veterinarian, Dr Placeda Lemana, sini lamang may ASF cases naman nga na report ang Capiz.
Sa Region 6, tatlo na ka probinsya ang may ASF cases lakip na ang Iloilo kag Guimaras.
Wala naga kumpiansa ang Negros Occidental rason nga istrikto ang pag monitor suno kag Lemana sang mga produkto ukon pork kag pork meat products nga naga sulod.
Kun kulang sang papeles ukon maka duluda man ang dokumento, gina patuman ang apprehension.
Pero klaro niya ginhatagan man sang tion ang naga ship sini nga maka pakita sang nagakaigo nga dokumento pero kun napaslawan sa gihapon ini ang gina confiscate.
Pero sarang man ini ma ship back sa sender kun i-buot sang natungdan.
Importante sa tanan nga mapangapinan ang ikaayong lawas kag ang biosecurity sang probinsya bangud indi man luyag sang Negros Occidental nga mabutang sa alang–alang ang 6 billion peso swine industry.
Humalin Enero tubtob Pebrero 25, may 59,461 nga balor sang pork kg pork meat products ang na apprehend sang ASF task force.