Nadakup sang kapulisan ang Top 1, 2 kag 3 Most Wanted Persons sa bilog nga Negros Island Region.
Matapos ang 17 ka tuig nga pagpanago, natiktikan sang otoridad ang lokasyon sang ginakabig Top 1 Most Wanted sa bilog nga rehiyon.
Ang akusado nga may kaso nga rape ang ginkilala kay alyas “Toper”, 41, residente sang Barangay Mayabon sa banwa sang Zamboanguita, Negros Oriental.
Siya ang nadakpan Huwebes nga adlaw sa Barangay Ubos, Bayawan City sa Negros Oriental, paagi sa warrant of arrest 008 ni Judge Roderick Maxino, sang Regional Trial Court-7 sa Bayawan.
Samtang, na-track man sang intelligence operatives ang 23-anyos nga Top 2 Most Wanted Person sang NIR, sa Barangay Poblacion, banwa sang San Enrique, sang Miyerkules.
Ang akusado nga si alyas “Angelo” ang ginkasuhan angut sa pagpanghimulos sa iya anay nobya, nga isa ka minor.
Sa pihak nga bahin, nadakpan man ang Top 3 Most Wanted Person nga si alyas “Toto”, 44-anyos, sa operation nga ginpatigayon sa banwa sang La Castellana, Negros Occidental.
Ginapangita sang kapulisan si alyas “Toto” sa sulod sang 9 ka tuig, may angut sa iya kaso nga murder.
Ang akusado ang imbulbado sa pagpangbuno sa isa ka ilimnan sa Sagay City, Negros Occidental sadtong tuig 2016.
[sibwp_form id=1]