Inadlaw nga ginpahak-ad sang Barangay 18 ang mga basura nga wala sapayan ginahaboy sang wala makilal an nga mga persona sa Mambuloc Creek.
Tubtob nga nahawanan kag nagbalik ang tayuyon nga pag ilig sang tubig sa sapa.
Suno kay Punong Barangay Madeline Diaz, tatlo man ka tonelada sang basura ang nahak ad sa sapa nga amo ang isa sa mga kabangdanan sang pagbaha sa mga malapit man nga pamalay sa lugar kun mag bubo ang ulan.
May nabutang na sadto nga baral ang barangay agud mapaiway ang paghaboy sang basura sa sapa.
Karon nga nalimpyohan na, nagapanawagan karon si Diaz sa pumuluyo nga kuntani mangin responsable sa paghaboy sang basura.