Tatlo ka mga empleyado sang Provincial Veterinary Office ang gin-reklamo nga naga baton sang bayad para mapadasig ang pag-release sang permits.
Papanaugan naman sang show cause order ang tatlo.
Gina usisa sa karon sang Provincial Legal Office ang reklamo batuk sa tatlo ka naga trabaho sa PVO.
Ang complaint nga na forward kay Provincial Administrator Rayfrando Diaz naga siling nga ang mga natungdan naga demand sang bayad labi na para sa RAS ukon Recognition of Active Surveillance may kaangtanan sa African Swine Fever.
Nahatagan man sang mga tagreklamo sang kopya sang ila nga istroyahanay sa messenger si Diaz kun sa diin napakita nga naga demand sila sang bayad para sa amo nga mga releases.
Gina hinyo sang mga tag reklamo ang isa ka thorough and impartial investigation.
May yara sang show cause order suno kay Governor Eugenio Jose Lacson pero wala pa ini mabaton sang mga empleyado as of press time.
Gina suggest sang gobernador nga sa mas madali nga panahon sabton na ini sang mga empleyado agudto tigayon man ma clear ang ila nga mga ngalan kun wala man gid ini nila nahimo.
Wala naman gin release sang probinsya ang ngalan sang mga empleyado pending sang gina patigayon nga pag pangusisa.
Ginsiling naman sang mga tag-reklamo nga luyag nila mag pabilin anonymous.