Shadow

3 ka persona nga nagsakit sa lola pasakaan kaso

YouTube player

Frustrated murder, physical injuries pila sa mga posible ipasaka batuk sa 3 ka suspek nga natumod nga nag gapos kag nag sakit sa lola nga nasal-an aswang.

Desidido sa karon ang pamilya nga pasakaan sang kaso ang mga suspetsado sa likod sang pag pang gapos kag pag sakit sa isa ka lola sa Barangay Gargato sa Hinigaran bangud lang sa siya ang nasal-an nga aswang.

Suno kay Captain Ryan Villasario, hepe sang Hinigaran PNP, ila na natumod ang tatlo ka mga suspek nga amo gid ang nag gapos kag nag sakit sa lola sadtong Pebrero 3 matapos ini masal-an aswang kay yara ini sa bubong.

Damlag pa gin pahayag sang PNP nga may yara sang depression ang lola bangud sang pag kamatay sang iya mister.

Nag agum sang mga pilas ang lola bangud sang pag gapos kag gina alegar pagsakit sa iya. Physical injuries ukon frustrated murder amo ang posible nga mapasaka nga kaso batuk sa tatlo ka suspek suno sa pulis.s

Secured By miniOrangeSecured By miniOrange