Tatlo ka persona ang arestado matapos makuhaan sang malapit 400,000 pesos nga balor sang iligal nga droga sa buy-bust operation sa Purok Greenfield sa Barangay Tangub sa Bacolod City kaina sang kaagahon.
Ang subject sang buy-bust amo si Jade Babaran, 48 anyos.
Arestado man sa amo nga buy-bust ang iya anak nga si Janelle, 27 anyos kag nobya ni Janelle nga 14 anyos.
Suno sa pulis, nadakpan sa akto nga naga pang repack ang tatlo sang gin patigayon ang buy-bust.
14 ka sachet sang suspected shabu ang nakuha sa ila nga naga balor sang 374,000 pesos.
Detained ang tatlo kag kaso nga pag lapas sa RA 9165 ang ipasaka batuk sa ila.