Detained sa Don Salvador PNP ang tatlo ka mga persona matapos sila maaktuhan sang kapulisan kag sang PDEA nga naga hithit sang ginasuspetsahan marijuana sa isa ka event sa Barangay Kumaliskis sa banwa sang Don Salvador Benedicto sang Sabado.
Ang mga naaresto amo sanday June Miguel Alingasa, Eddie Cabatas kag Joshua Estrella.
Suno kay Lt Everly Canto, deputy chief of police sang DSB PNP, nadakpan sang kapulisan ang tatlo nga naga usar sang marijuana sa tunga mismo sang progama.
Isa ka plastic sachet sang dried leaves sang suspected marijuana nga naga bug-at sang tatlo ka gramos ang nakuha sa ila pati na ang tobacco paper nga naga unod sang dried marujana leaves.
Dugang pa ni Canto, kabahin sa panawagan sa event amo ang pag legalize sang pag gamit sang marijuana for medical purposes.