Patay ang tatlo ka persona nga naga angkasanay, matapos magbunggo ang ila motorsiklo sang Lunes sang gabi sa naga park nga truck sa highway sa banwa sang Basay, Negros Oriental.
Ang mga napatay amo sanday Jhay Elarcosa, Rodelio Manlangit, Jr kag Marlon Tumimbang.
Sa imbestigasyon sang PNP, nagadalagan ang motor padulong sa Barangay Actin sang ini ang mabunggo sa pangulihi nga bahin sang truck.
Dead on the spot ang tatlo ka mga biktima bangud sang impact sang ila pag bunggo kag paglabog.
Ang truck ang aberyado suno sa pulis amo nga ginbilin ini sang driver sa kilid sang dalan.
Gina hibalo pa sang PNP as of press time kun sin-o ang tag iya sang truck.