Nabaklan sang peke nga drivers license ang mag live in nga sanday Loriebelle Zamora kag Jefferson Panisa sa joint entrapment operation sang Land Transportation Office 6 kag Bacolod City Mobile Force Company sa Bonifacio Street sa downtown area sang Bacolod Huwebes sang udto.
Makaligad ang pila ka oras, sunod nga ginkadtuan sang mga otoridad ang balay ni Marlon Pandungan sa siudad sang Bago.
Didto narekober ang kinse pa ka mga peke nga drivers licenses, mga machine kag supplies sa paghimu sang peke nga mga licenses
Kag pati mga peke nga resibo sang LTO suno kay Atty. Gaudioso Geduspan, assistant regional director sang LTO 6.
Gin tinguhaan sang Digicast Negros nga makuha ang bahin sang tatlo ka mga nadakpan pero nagpamalibad sila nga magpainterview.
Gin inquest na ang reklamu nga falsification of public documents kag paglapas sa anti red tape act batuk sa ila.
Nag gwa sa pagpangusisa sang LTO 6 nga may masobra na isa ka tuig ang modus operandi sang grupo.
Paandam sang pamunuan sang ahensya sa mga nagaplano magkuha sang lisensya, likawan ang mga fixer agud indi mabiktima sang parehos sini nga modus operandi.