Pinasahi nga mga obra gintagaan kabuhi sang tatlo ka mga Negrense candidates sa National Costume Competition sang Miss Universe Philippines.
Indi lang ang kaanyag sang mga Negrense queens ang nangibabaw sa Miss Universe Philippines Pageant.
Ginpakita man sang mga beauty queens ang abilidad sang Negrense paagi sa National Costume Competition.
Si Louise Lian Bobe sang Bacolod City ginpasundayag ang Dragun sang Kanlaon nga may pito ka mga ulo sa costume competition.
Nangin Duwende Queen naman si Franches Anne Laquibla sang Negros Occidental nga napalibutan sang mga golden vines. Isa naman ka dalikmata ukon all-seeing goddess si Kayla Jane Usison sang Bago City.
Ang mga Negrense beauty queens ang kabahin sang 66 ka mga kandidata nga magapa-indis indis para sa coronation night sang MUPH 2025 sa SM Mall of Asia Arena sini nga Biyernes sang gab-i.