Negatibo na sa virus ang tatlo ka mga negrense nga Covid-19 Delta variant case sandig sa resulta sang ila nga re-swabbing.
Suno kay Provincial Administrator Rayfrando Diaz nabaton na sang probinsya ang test result sang tatlo.
Sang Lunes gikan sa low risk category ginpasaka sa moderate risk sang Department of Health ang Negros Occidental kag ginpaidalom man ini sa Alert Level 3.
Paathag ni Diaz, ang pagkambyo nga ginpatuman sang DOH, natungod sang delta variant cases. Pero kun tulukon sang maid-id ang sitwasyon sa probinsya, wala sang problema sa occupancy rate sa mga ospital.
Naga pabilin ini sa 30 to 40 percent ang occupancy rate. May gamay nga pagsaka sa mga active cases, kag suno kay Diaz ini tuga sang mga indi mapunggan nga mga hilikuton ukon mga pagtililipon pero ang pagsaka sa kaso wala naga timbuok. Nagpanaog na ini sa nagliligad nga inadlaw sa masobra 600, karon yara ini sa masobra sa 800 ka active cases.