Nagahulat sang masakyan nga bus ang mga menor de edad nga magpakaisa upod man sa ila tiya sang gulpi lang gindusdos sila sang bus nga amo man kuntani ang ila sakyan sa terminal sang Vallacar Transit Incorporated sa Dumaguete City, Martes sang aga.
Makita man sa kuha sang CCTV video ang pag-idog sang mga bangko sang terminal.
Madasun man nga gintabangan sang mga empleyado sang terminal ang mga bata nga naga edad 9,12 kag 14 anyos nga lunsay nasamaran.
Ginsiling sang drayber sang bus nga may mechanic trouble ang iya ginmaneho nga bus.
Pero ginpahayag naman ni Jade Seballos, Media Relations Officer sang VTI, nga wala sang diperensya ang bus sang ila ini nga ma-usisa.
Na gwa nga bag-o lang nag claim sang iya zero accident incentive ang driver nga kinse na ka tuig nga naga trabaho sa bus company.
Kaina na-discharge na sa ospital ang mga nasamaran nga menor de edad. Ginsabat sang bus company ang ila medical expenses.
Regular nga ginacheck-up sang tagdumalahan sang bus company ang mga bus antes magbyahe.
Pero padalman pa nila ang pag usisa agud mapat ud ang kabangdanan sang aksidente.