Tatlo ka mga balay nasunog sa Barangay Villamonte sa Bacolod, duha ka mga hinuptanan nga ido napatay.
Na-alarma ang mga residente sang 4th road sa Barangay Villamonte sang magluntad ang sunog Miyerkules sang aga.
Sa cellphone video nga kuha ni Jefritz Fernandez makita ang pag ibwal sang kalayo sa compound sang pamilya Abrico kag Bingu-an nga malapit lang man sa ila puluy an.
Pila sa mga residente nagbulig sa mga nagresponde nga bombero agud mapalong ang kalayo.
Sa video nga kuha naman ni Cheryl Young, halos malab-ot na sang nagadaba-daba nga kalayo ang mga kuryente kag malapit nga poste.
Sa pagpang usisa sang katapo sang Bacolod City Bureau of Fire Protection, tatlo tanan ka mga balay ang natupok sang kalayo nga nagsugod sa puluy-an sang pamilya Abrico.
Indi pa mapat-od kun ano ang ginhalin sang kalayo as of press time.
Duha man ka mga ido nga shih tzu ang napatay sa sunog.
Gina bulubanta nag dangat sa P1.5M ang halit sang kalayo