Tatlo ka mga empleyado sang Provincial Veterinary Office nga damlag pa gin-usisa matapos nga gin-reklamo nga naga nagabaton sang bayad para mapadasig ang release sang permits ang nag-resign.
Samtang, gin-deny naman sang Gobernador ang motion for reconsideration nga gin-file sang HR head sang probinsya angut sa dismissal sini.
Suno kay Negros Occidental Governor Eugenio Jose Lacson iya ginbaton kag ginlagdaan ang resignation sang tatlo ka Vet employees kahapon, Lunes nga adlaw.
Tubtob na lamang sila sa bulan sang Agosto.
Bangud sini indi na magpadayon pa ang pagpangusisa sa ila. Wala na ginpatpat pa sang gobernador ang kaundan sang ila nga resignation letter, pero, suno sa iya, ila ginsiling nga “sorry” sila sa natabo.
Ginpapanaugan sadto sang Provincial Legal Office sang show cause order ang tatlo ka empleyado para mag paathag sa reklamo batuk sa ila.
May complaint nga na forward sa Provincial Administrator’s Office naga naga siling nga ang mga natungdan naga demand sang bayad para sa RAS ukon Recognition of Active Surveillance may kaangtanan sa African Swine Fever.
Gin hinyo sang mga tag reklamo ang isa ka thorough and impartial investigation. Ginsiling man sang mga tag-reklamo nga luyag nila mag pabilin anonymous.
Kahapon man suno kay Lacson iya ginlagdaan ang order nga naga deny sang motion for reconsideration nga gin-file ni Atty Anabelle Palic angut sa pag dismiss sa iya sa serbisyo.
Ini may angut sa kaso nga Opression, Conduct Prejudicial to the best interest of the Service, Grave Misconduct kag being Notoriously Undesirable.
Damlag pa ginsiling ni Atty Alberto Nellas, Jr., ang Provincial Legal Officer nga sarang mapasaka ni Palic ang iya nga appeal sa Civil Service Commission kun ma deny ang iya nga motion sang gobernador.