Gina lantaw nga mahimo nga maga pungko temporaryo bilang Election Officer sang Bacolod sa concurrent capacity ang Provincial Election Supervisor sa tion nga mag biya na ang naga pungko nga Election Officer sang Bacolod.
Ginsiling ni Commission on Elections Regional Director, Atty Lionel Marco Castillano nga iya gin-recommend si Provincial Elections Supervisor Ian Lee Ananoria sa pag take over sa Bacolod sa tion nga mag biya na si Bacolod Elections Officer Atty Kathrina Trinio-Caña nga natalana na sa September 16.
Pero suno kay Castillano, subject pa ini sa approval sang Manila Office.
Bakante man sa karon ang Election Officer nga position sa Moises Padilla kag La Carlota.
Maga assume sini nga semana ang bag-o nga Election Officer sang Cadiz City.
Suno kay Ananoria ang mga bakante nga position butangan nila sang maga pungko nga mangin Acting. Nalakip na ini sa ila nga plano labi na sa palaabuton nga Barangay kag SK Elections.
“Na anticipate na namon kag na planuhan na na. May acting EO (nga ibutang)”, suno kay Ananoria.
[sibwp_form id=1]