Nagpadulong ang katapo sang Philippine Drug Enforcement Agency-Negros Island Region sa Office of the Ombudsman for the Visayas sa Cebu City kahapon agud ipasaka ang kaso batuk sa tatlo ka local elected officials kag isa ka public school teacher.
Ang tatlo ka mga opisyales sang gobyerno kag ang maestro ang nadakpan sa separado nga anti-drug operations sa Negros Island Region, sini nga tuig.
Suno sa PDEA, ang mga ebidensya sa buy-bust operations kag sa follow-up investigation ang ila gin-basehan sa pagpasaka sang kaso batuk sa mga government workers.
Isa ini ka tikang, suno sa PDEA, agud nga may yara sang accountability sa public service kag pagpakita nga wala sang public servant nga mas labaw sa layi.
Ginpahayag sang PDEA nga ang pagpasaka sang kaso, isa man ka pagpaandam sa tanan nga personnel sang gobyerno nga ang pagpakigbahin sa illegal drug activities ang wala gina-tolerar.*