Nabaton na sang National Bureau of Investigation – Bacolod ang mga dokumento nga ginpangayo nila sa tatlo ka mga District Engineers sang Department of Public Works and Highways may kaangtanan sa pag pangusisa sa flood control projects sa Negros Occidental.
Tatlo ka iban pa nga District Engineers sang DPWH ang gina paabot nga maga submit man sang gina pangayo nga dokumento.
Suno kay Executive Officer, William de Arca, matapos nga nag serbe sila sang subpoena, naka submit na sang ginapangayo nga mga dokumento ang District Engineers sang San Carlos, Kabankalan kag Binalbagan.
Paathag ni de Arca, yara pa lang sila sa document gathering stage.
May mga nakuha man sila nga impormasyon sa mga proyekto gikan sa website.
Kun makumpleto na ang mga dokumento, sila ang maga patuman sang occular inspection sa mga proyekto kag personal nga maga inspect sini.
Ang mga District Engineers sang Bacolod, Talisay kag Bago ang ila naman nga na subpoena kag gina paabot ang pag submit man sang ila nga mga dokumento.
Mga infrastructure projects humalin sang 2020 tutbob 2025 ang sakop sang ila nga pag pangusisa, pero labing tutukan anay ang flood control projects.
Sa isa ka tuig may mga 10 to 12 ka projects ang isa ka engineering district suno kay de Arca.
Ang Department of Justice ang nag porma sang Task Force angut sa pag pangusisa sa flood control projects kasunod sang mga nag gwa nga ghost projects kag suno kay de Arca ang NBI ang naga serbe nga investigating arm sini.
Sila ang maga submit sang ila nga report kag recommendation sa DOJ kag ang DOJ ang maga submit naman sini sa ICI ukon ang Independent Commission for Infrastructure.
Cooperative naman suno sa iya ang mga district engineers sang DPWH.
[sibwp_form id=1]