Nagasundanay padulong Bacolod City ang tatlo ka mga Ceres bus sang nadulaan sang preno ang pinaka-ulihi nga bus sa bahin sang national highway sang Barangay Tabao Rizal sa banwa sang San Enrique, Negros Occidental, Sabado nga adlaw.
Rason nga nabungguan sini ang bus sa tunga, nga nagbunggo man sa bus nga yara sa unahan. Magluwas diri, nasaga-id man ang isa ka Mitsubishi Adventure.
Apat ka mga pasahero sang bus kag isa ka driver sang Ceres ang pilason sa insidente.
Ginsiling ni Police Major Leo Estopa, hepe sang San Enrique Police Station, may mga karga nga estudyante gikan sa retreat sa syudad sang Kabankalan ang mga bus kag magapadulong kuntani sa syudad sang Talisay.
Suno kay Estopa, may pag-aregluhanay na sa mga napilasan kag tagdumalahan sang Ceres bus, nga nagsabat sa tanan nga medical expenses pati na ang damage sang mga salakyan nga imbulbado sa insidente.