3-day strike sa pagbukas sang klase ginaplano sang katapo sang traditional jeepney organization.
Bisan nag-untat byahe ang pila ka mga traditional jeepney sang Hwebes, may yara gihapon nga mga modernized jeepney kag bisan traditional jeepney operators nga nagserbe sa mga pasahero.
Ginsiling ni Rudy Catedral, chairperson sang Bacolod Alliance of Commuters, Operators and Drivers ukon BACOD nga indi nila mapilit ang tanan nga katapo sang transport sector nga updan ang panawagan para legal nga makapadayon sa pagbyahe ang mga traditional jeepney.
Pero dungan sa pagbukas sang klase, ginadihon na sang grupo plano nga 3-day transport strike para mas mapabaskog ang panawagan sa national government paagi sa mga natungdan nga ahensya nga matagaan sila sang prangkisa ukon ma-extend ang ila sini nga provisional authority.
Ginaduso nga samtang ginapatuman sang Department of Transportation ang pag-review sa public utility vehicle modernization program matagaan sila sang kahigayunan para mapadayon pa sa masunod nga lima ka tuig ang ila pag-byahe.