Tatlo ka persona ang arestado matapos madakpan sa akto nga naga pangawat sang kable sa dalan Lacson.
Arestado ang tatlo ka mga persona matapos maaktuhan nga nagapangawat sang kable kahapon sang kaagahon sa dalan Lacson sa Bacolod. Ang mga naaresto amo sanday Charlie Caldea, Christopher Uy kag Elias Grajo.
Suno kay Captain Jonito Pastrana, hepe sang Police Station 2, iya ginpalibot kahapon sang kaagahon ang patrol team bangud nga naga inulan kag posible ang pag operate sang mga kawatan kag nakita sang patrol ang mismo pag lagare sang mga suspek sang kable sang broadband.
Naglab-ot sa 105,000 pesos tanan ang balor sang kable nga ila ginkawat. Sila ang detained kag kaso nga theft ang ipasaka batuk sa ila.