Kun mag sige pa gid ang pag lapta sang army worms makabig nga ini ang maka alarma.
Ini suno kay Negros Occidental Governor Eugenio Jose Lacson nga nag pahayag nga ginapatuman sang probinsya ang naga kaigo nga tikang para ini ang matapna.
Ginahulat man niya ang balor sang kahalitan nga natuga agudto mas mapat-od ang sitwasyon.
Ini ang naga lakip sang spraying sang insecticide kasubong man ang emergency purchase sini.
Sa report sang Office of the Provincial Agriculturist, as of June 21, 296 hectares sang maisan kag katubuhan ang apektado sang fall army worms sa Himamaylan, Isabela, Binalbagan, Moise Padilla, Ilog, Kabankalan City kag La Castellana.
Sa pahayag nga gin-release sang Philippine Sugar Research Institure ginsiling sini nga ang pagpang-atake sang army worms sa mga pananum sa southern Negros isa ka great concern sa sugar industry.
Ang army worms isa suno sa Philsurin sa mga destructive leaf feeders.
Early detection kag intervention isa sa mga importante nga bagay agudto ma manage ang army worms suno sa Philsurin.
Matinlo nga borders kag pag tuga sang daw kanal kag chemical control sa mga heavily infested fields pila sa ila nga rekomendasyon para malikawan ang paglapta sang army worms.