Mas nagadako na portion sang nagaka-ab ab nga duta sumugod nga nagluntad ang landslide sa kilid sang pangpang sa Purok San Jose sa Barangay Alijis sa Bacolod.
Natiphag ang duta nga malapit sa suba tuga sang mabaskog nga ulan dala sang Bagyo Agaton sang Lunes.
Gani ang 28 ka mga pamilya nga nagapuyo malapit sa natiphag nga pangpang ang wala anay ginpabalik sa ila balay humalin sang sila ang gin evacuate sa Dona Emilia J. Garcia Elementary School.
Suno kay Dr. Ana Marie Laarni Pornan,pamuno sang DRMMO, gina-assess pa sang katapo sang city engineers office ang lugar agud masiguro antes pa man tugtan ang pagbalik sang pumuluyo.
Sa kabilugan may nubenta ka mga pamilya gikan sa tatlo ka mga barangay sa Bacolod ang ginpaidalom sa pre emptive evacuation tungod sang pagbaha kag landslide epekto sang bagyo.
Kalabanan sa mga apektado nga pamilya ang nakabalik na sa ila puluy an makaligad nga nagtahaw na ang tubig baha.
Suno naman kay Joemarie Vargas, ang cluster head sang DRRMO,wala naman sang dapat kakulbaan karon nga wala na sang bagyo sa Pilipinas.