Nagsapol kahapon ang mga alkalde nga naga suporta kay presidential candidate Ferdinand Marcos, Jr kag campaign manager sini nga si Benhur Abalos, Jr kag Mayor Chavit Singson diri sa Bacolod.
Suno kay BBM-Sara – Negros, Spokesperson Sonny Coscolluela, liwat nga nag saad sang ila nga suporta kay BBM ang 28 ka mga alkalde sa Negros Occidental.
Suno sa iya, sa amo nga pag sinapol ang mga alkalde ang ginhambalan nga mag padayon kag mag deliver sang ginsaad nila nga boto para sa kadalag-an sang kandidato nga ila ginatib-ong.
Ginpahayag man ni Coscolluela nga sa Iloilo may 23 ka mga mayor ang nag-upod kay Marcos kag sa Negros Oriental, 18 naman ka mga alkalde ang nag pledge.
Ang pag suporta sang PDP-Laban Cusi wing kasubong man sang National Unity Party ang maga tib-ong pa gid sang kandidatura ni Marcos suno kay Coscolluela.
Dugang pa niya nangin epektibo ang ila nga strategy nga pag paiway sang hate politcs kag negative campaigning, rason nga si Marcos ang maga pangibabaw sa mayo nga piniliay.