76.62 percent ang fully vaccinated karon sa Negros Occidental sa August 8 nga report sang Department of Health. Pero, wala sa gihapon nalambot ang target para sa mga senior citizen.
Sa amo nga report 60.49 percent pa lamang sang yara sa A2 category ang nabakunahan.
Suno kay Dr Ernell Tumimbang, ang Provincial Health Officer, sa tunga sang pagpanghangkat padayon lang sa gihapon ang pag duso sang bakuna, nga naga lakip na karon sang second booster dose para sa 18 to 59 years old nga may co-morbidities.
Samtang karon nga manugbukas na ang face to face classes, padayon man ang kampanya sa mga ginikanan nga pabakunahan ang mga kabataan nga 5 to 11 years old.
Sa August 6 nga report sang PHO, 28.77 percent pa lamang ang fully vaccinated sa target.
Sa 12-17 years old naman 86.68 percent na ang fully vaccinated.