Sa record sang City Veterinary Office, anum lang sa 264 ka mga hog raisers ang ginapaabot makabaton sang kabilugan nga P96,000 nga ayuda halin sa siudad para sa ila mga baboy nga nagkalamatay tuga sang ASF kag hog cholera.
Suno kay City Legal Officer Atty. Romeo Carlos Ting, Jr., anum lang man ang na-qualify kag naka pasa sang kumpleto nga requirements para sa indemnification fund.
P10M ang ginpain nga pondo sang siudad gikan sa DRRMO agud nga matagaan sang financial assistance ilabi na mga backyard hog raisers.
Pero suno may Ting gintinguhaan sang siudad nga mabuligan gihapon ang mga hog raisers nga wala pa naka-qualify sa indemnification fund pinaagi sa pondo nga maga gikan sa Assistance to Individuals in Crisis Situation ukon AICS.
Ginalauman nga kun makakuha sang banning exemption ang siudad apesar sang Barangay kag SK elections, sa Oktubre masuguran ang pagpanagtag sang ayuda