Nag lab-ot sa masobra isa ka libo ka mga indibidwal ang apektado sa nagluntad nga baha sa Guihulngan City, Negros Oriental, dala sang mabaskog nga pag ulan.
261 ka mga pamilya ang gin-evacuate kagab-i sa city gym bangud sang pag baha. Suno sa Guihulingan City PIO, tatlo ka mga sitio sa siudad ang gin baha tuga sang pag overflow sang suba.
Naghanda naman ang siudad sang ayuda nga ipang hatag sa mga residente.
Sandig sa latest weather bulletin sang PAGASA, ang low pressure area sa sulod sang Philippine Area of Responsibility ang yara karon sa 280 km east sang Surigao City, Surigao del Norte.
Magamay ang tiyansa nga ini ang mangin bagyo suno sa PAGASA apang magapabilin ini nga low pressure area sa nasidlangan sang Mindanao gani magadala ini sa gihapon sang pag ulan sa Visayas kag Mindanao.